Embannet eo ar c'heleier gant Anton Burel

Amnesty International o skoazellañ prizonidi politikel e Maroko

Gouel Sinema Douarnenez a zo er sizhun mañ ha padout a raio ar festival betek disadorn. Er bloaz-mañ e c'heller gwelet kalz filmoù deus Maroko, a zo ar vro pedet. Moustret eo ar boblañs eno ha difennet eo burutellañ ar rouantelezh, gopridi ar Stad evel ar polis, pe dislavar emrenerezh ar justiz er vro. Joelle Perrot a zo ezel deus ar gevredigezh Amnesty International, a zifenn gwirioù bugel den. Heuliañ a ra a dost ar pezh a c'hoavezh e Maroko...

Ur pennad-kaoz gant Metig Jakez Vargas

Skoazell, ar strollad a sikour ar plac'hed a c'houzañv feulsterioù fizikel pe seksel e ledenez Kraozon

Ouzhpenn 200 000 plac'h a c'houzañv bep bloaz e Frañs feulsterioù fizikel pe seksel diouzh perzh o fried pe o fried bet. Muioc'h mui e vez anv eus ar feulsterioù jener met nebeud a dra a zo bet graet gant ar gouarnamantoù disheñvel abaoe al luskad MeToo. En distro-skol ec'h adkrogo ar strolladoù benelour da stourm evit ma vefe votet ul lezenn hollek war ar feulsterioù jener hag ar feulsterioù gouzañvet gant ar vugale. E ledenez Kraozon e krog an traoù da fiñval a-drugarez d'ar strollad Skoazell. Sikour ar plac'hed a c'houzañv feulsterioù el ledenez a reont. Muioc'h a ditouroù gant Françoise Louarn he deus savet ar strollad-se asambles gant tud all.

Ur pennad-kaoz gant Metig Jakez Vargas

Ha da selaou ouzhpenn er c'heleier :

• Argadenn lu Israel e kreisteiz Liban

• Koll bras al legumajerien

• park panelloù heol nevez e Gwizien

• Festival ar Roue Arzhur a grog warc'hoazh